Një shqiptar është kthyer hero në Britaninë e Madhe pasi i ka shpëtuar jetën një gruaje që po mbytej brenda në makinë.
Çimi Kazazi është futur në ujin e rrëmbyeshëm duke arritur të nxjerrë gruan nga automjeti dhe më pas e ka dërguar në lokalin e tij.

Gruaja thuhet se po përpiqej të largohej nga zona, kur makina e saj u bllokua nga uji në Great Glen, Leicestershire.

“Ajo ishte e traumatizuar”, tha Çimi Kazazi për Sky News.

Shqiptari, me origjinë nga Librazhdi, mësohet se është pronar i një restoranti me kuzhinë italiane dhe se jeton prej 20 vitesh në Angli.