Pas një fundjave problematike me reshje shiu dhe dëbore, java ka nisur me ulje të ndjeshme të temperaturave.
Meteorologia Tanja Porja bëri të ditur se sot termometri do të zbresë në minus 6 gradë celsius, ndërsa era do të jetë e fortë dhe problematike.
“Rënie të temperaturave në zonat malore, termometri do të zbresë në minus 6 gradë celsius. Në mesditë maksimumi do të arrijë në 8 gradë celsius në rang territori. Mbeten prezentë reshjet e dëborës në veri”, tha Porja.
Sipas meteorologes, problematike gjatë ditës së sotme dhe javës do të jenë edhe ngricat të cilat do të zbresin në 100 metra lartësi.
“Reshje dëbore në veri në formë e flokëve të dëborës i afrohen lartësive 300-400 metra nga nivelin e detit. Problematika gjatë ditës së sotme dhe gjatë javës janë ngricat që zbresin në 100 metra lartësi për zonat veriore por edhe shumë pranë bregdetit kemi ngrica”, tha meteorologia.
Porja theksoi se zonat problematike ku maksimumi i temperaturave do të jetë zero gradë janë: Bajram Curri, Hasi, Puka, Bulqiza, Devolli dhe Kolonja.
Be First to Comment