Pas ules së çmimit të energjisë, kryeministri Edi Rama njoftoi se brenda mandatit të katërt, Shqipëria do të bëhet e pavarur madje do të eksportojë energji elektrike në Bashkimin Europian.

“Përshëndetje nga Abu Dhabi, për pak do të vendosim një gur kilometik në rrugën e pavarësisë sonë energjetike. Shqipëria sot është vendi me kapacitetin më të lartë të vetëprodhuesve familjarë apo biznes nga energjia diellore në rajon.

Energjia e prodhuar nga dielli ka kaluar nga 0% në 10% të prodhimit të brendshëm. Plani është të arrijmë në 30% brenda mandatit tonë të katërt. Ishim i vetmi vend në rajon që nuk e rritëm çmimin e energjisë gjatë krizës europiane 2022-2023 dhe që nga 1 Shkurti 2025 do të bëhemi zyrtarisht i vetmi vend europian që ulim çmimin e energjisë me 10.5%”, tha Rama.