Nesër do të paralizohet kalimi në pikën kufitare të Kakavijës, për shkak të grevës që do të mbahet nga pala greke.
Burimet mediatike bëjnë me dije se greva do të nisë në orën 08:00 dhe do të zgjasë në orën 24:00, sipas orës greke.

Përveç ambulancave dhe makinave funerale, asnjë mjet transporti nuk do të ketë leje kalimi. Ndërsa mjetet mbeten të bllokuara, qytetarët që ecin në këmbë do të kenë mundësi të kalojnë.

Ende nuk ka një njoftim sa i përket doganës së Kapshticës, nëse punonjësit e palës greke të kësaj pike kufitare do të jenë të përfshirë në grevë, dhe kalimi do të ndalohet edhe atje.