Gjykata e Lartë po shqyrton sot rekursin e kryebashkiakut të Tiranës, Erion Veliaj, lidhur me masën e sigurisë “arrest në burg” që i është caktuar më herët.Rekursi është dorëzuar më 6 maj, vetëm dy ditë pas një vendimi të Kolegjeve të Bashkuara të Gjykatës së Lartë, ku u ndryshua pjesërisht praktika gjyqësore për masat e arrestit.
Në kërkesën e tij, Veliaj kërkon që masa aktuale të zëvendësohet me një masë më të lehtë sigurie, si “garanci pasurore” ose “detyrim për t’u paraqitur në policinë gjyqësore”, në vend të qëndrimit në burg.
Gjykata pritet të vendosë nëse do ta pranojë kërkesën ose do të lërë në fuqi masën ekzistuese të sigurisë, ndërsa seanca po ndiqet me interes për shkak të profilit të çështjes.
Views: 32
Be First to Comment