Lajmi i fundit: Dënohet Albin Kurti, dalin detajet e vendimit

IKD: LVV dhe Albin Kurti gjobiten me 5,100 euro për përfshirjen e fëmijëve në fushatë

Instituti i Kosovës për Drejtësi (IKD) ka bërë të ditur se është pranuar si e bazuar ankesa e dorëzuar më 1 qershor, në Ditën Ndërkombëtare të Fëmijëve, lidhur me pjesëmarrjen e fëmijëve në aktivitetet e fushatës zgjedhore të Lëvizjes Vetëvendosje dhe liderit të saj, Albin Kurti.

Sipas IKD-së, organi kompetent ka vendosur që ndaj Lëvizjes Vetëvendosje dhe kryeministrit Albin Kurti të shqiptohet një gjobë në vlerë prej 5,100 eurosh, për shkelje të rregullave që lidhen me përfshirjen e fëmijëve në aktivitete të fushatës zgjedhore.

Po ashtu, partia obligohet që shumën e shqiptuar ta paguajë brenda afatit ligjor prej 15 ditësh.

Drejtori ekzekutiv i IKD-së, Ehat Miftaraj, ka theksuar se institucioni vazhdon të angazhohet për mbrojtjen dhe promovimin e të drejtave të njeriut, me theks të veçantë të drejtave të fëmijëve.

“Me shtetin ligjor dhe mbrojtjen e fëmijëve nuk ka kompromis,” ka deklaruar Miftaraj, duke shtuar se përgjegjësia duhet të kërkohet pa përjashtim, edhe kur bëhet fjalë për zyrtarë të lartë shtetërorë apo liderë politikë.